اسلام آباد۔24 اکتوبر(اے پی پی) وزیراعظم شهباز شریف وئيلې دي اېشين ډېلپمنټ بېنك پرمختګ لپاره زمونږ همكار دے۔ بریس پروګرام سماجی تحفظ لپاره د حكومتي ګامونو مرستې او سېلاب ځپليو سيمو كښې د ريليف او بحالۍ چارو كښې مهم كردار ترسره كړے۔ ده د ګل په ورځ د برېس پروګرام لاندې د پور وركولو لوظنامې لاس ليك دستورې ته خطاب كولو۔ په دستوره كښې د خزانې وفاقي وزير سېنېټر اسحاق ډار ٬ د اقتصادي چارو وفاقي وزير اياز صادق ٬ د اے ډي بي دوهم صدر او نورو ګډون كولو۔ وزيراعظم ووئيل په دې سخت وخت کښې د آسيائي پرمختيائي بانک لخوا د ملاتړ مننه کوؤ، دې بانك د ډيرو مهمو پروګرامونو په سپېځلي ډول سرته رسولو لپاره بشپره مرسته کړې او د پرمختګ لپاره زمونږ همكار پاتې شوے ٬ ده ووئېل برېس پروګرام به سماجي تحفظ لپاره د حكومتي ګامونو د مرستې په لړ كښې هم مهم كردار ترسره كړي۔ وزيراعظم ووئيل په دې سخت وخت كښې د پاكستان مرسته كولو لپاره دا مهم پروګرام به زمونږ د معيشت د استحکام او راتلونكو ضرورتونو په لړ كښې فعاله ثابت شي۔ د خزانې وفاقي وزير سېنېټر اسحاق ډار د پروګرام په پېل كولو د اے ډي بي مننه وكړه۔ ده ووئيل د وزيراعظم شهباز شريف په مشرۍ كښې موجوده حكومت د تېر حكومت لخوا په ورثه كښې د پاتې شوو اقتصادي ستونزو او چيلنجونو سره مقابلې لپاره هلې ځلې كوي۔ هېواد د سېلاب په صورت يو قدرتي آفت سره مخ دے۔ د سېلاب د لاسه د شوي زيان تخمينه 32.4 اربه ډالره څخه زياته لګولې شوې او حکومت په يواځې دې سختو حالاتو سره مقابله نه شي کولى۔ ده ووئيل ځپلے شوو ته تر دې دمه 70 اربه روپۍ وركړې شوي۔ د اقتصادي چارو وفاقي وزير اياز صادق هم د دې پروګرام لپاره د اے ډي بي مننه وكړه او وې وئيل وفاقي حكومت د صوبائي حكومتونو سره په ګډه د سېلاب ځپلو د مرستې لپاره لوي ګامونه پورته كوي۔ په دې موقع د بنك چارو مرستيال ووئيل برېس پروګرام د يو 1.5 اربه ډالرو پروګرام دے او د سېلاب ځپلو سيمو په بيا رغونه او مرسته كښې به مهم رول ولوبوي۔
برېس پروګرام به سېلاب ځپليو سيمو كښې د مرستې او بحالۍ چارو كښې مهم كردار ترسره كړي۔ وزيراعظم شهباز شريف
مضمون کا ماخذ : raspadinha آن لائن
متعلقہ مضامین
