اسلام آباد 21 اکتوبر(اے پي پي) په خېبرپښتونخوا كښې د افغان كډوالو لپاره 99 سكولونه جوړ كړې شوي٬ په دې سكولونو كښې د وړومبي ټولګي نه تر 6م ټولګي 33 زره 117 افغان ماشومان زده كړې كوي۔د خېبرپښتونخوا د افغان كمشنرېټ يو اعلٰی چارواكي اے پي پي ته ووئيل دا سكولونه په پیښور٬مردان٬كوهاټ٬هري پور او كوز دير ضلعو كښې جوړ كړی شوي۔ده ووئيل په دې سكولونو كښې د جينكو 27 سكولونه هم شامل دي چې پكښې 7 په پېښور٬ درې په كوهاټ٬پنځه په مردان٬ اووه په هري پور او پنځه په كوز دير كښې دي او د هلكانو د سكولونو شمېره 43 او دغسې كو ايجوكېشن سكولونو شمېره 29 ده۔ده ووئيل سږ كال تر ستمبر مياشتې 12020 جينكو او 21097 هلكانو يادو شوو سكولونو كښې داخلې اخستي او د اګست په مياشت كښې په دې سكولونو كښې د جينكو او هلكانو مجموعي شمېره 31508 وه۔ده ووئيل په دې سكولونو كښې د ښوونكو په حېث سره افغان او پاكستاني ښوونكي په ځاې كړی شوي٬په 99 هېډ ټيچرز كښې 52 افغان سړي٬ 11 افغانانې مېرمنې او 18 پاكستاني سړي ښوونكي شامل دي دغسې په 516 ښوونكو كښې 115 سړي او 107 پاكستاني ښوونكي او 219 سړي او 35 افغان ښوونكې شاملې دي۔د يوې پوښتنې په ځواب كښې ده ووئيل 160 زده كوونكي د خپلې كورنۍ سره افغانستان ته بېرته تللي ٬ 127 د كډې كولو او 105 د اوږدې مودې نه د غېر حاضرۍ په وجه د سكولونو نه فارغ كړ ے شوي خو په سكولونو كښې د نوو زده كوونكو د داخلولو هڅې روانې دي. د افغان ماشومانو په سكولونو كښې د معلم په حېث وظيفه ترسره كوونكي د يو سكول ښوونكي شاهد انور اے پي پي ته ووئيل هغه د تېرو 29 كلونو نه تدريس سره تعلق لري. ده ووئيل په دې سكولونو كښې د لوبو مېدان، واش رومز، شمسي توان، د څښكلو پاكې اوبه او د وړيا كتابونو پشمول ټولې بنيادي اسانۍ وركولې شي. ده ووئيل سكولونه د سهار او غرمې په وختونو كښې په دوو شفټونو كښې چلولې شي ٬ زده كوونكي سهار او جينكې د غرمې په شفټ كښې سكولونو ته راځي. ده ووئيل د دې سكولونو نه د زرګونو په شمېر زده كوونكي فارغ التحصيل دي او اوس په دوې كښې د ډاكټرانو، انجينئرانو، وكيلانو او د نورو پروفېشنلز په توګه وظيفه ترسره كوي. ده ووئيل مخښكې به په دې سكولونو كښې افغان نصاب ښودلے شو خو اوس د يو اېن اېچ سي آر څخه منظور شوے پاكستانے نصاب ښودلے كېږي. يو افغان كډوال وسيع الله اے پي پي ته ووئيل افغان كډوالو ته په اسانيو وركولو د پاكستاني حكومت او پاكستاني قام مننه كوو. ده ووئيل د پاكستان حكومت او اولس لخوا د افغان كډوالو مېلمستياﺀ نه ده كمه شوې. دوي كله هم په پاكستان كښې د تحفظ د نشتوالي احساس نه دې لرلے. ده ووئيل دلته زمونږ اولاد ته د تعليم پشمول ټولې اسانۍ وركړے شوي.
په خېبرپښتونخوا كښې افغان كډوالو لپاره 99 سكولونه جوړ كړې شوي٬ په دې سكولونو كښې د وړومبي ټولګي نه تر 6م ټولګي 33 زره 117 افغان ماشومان زده كړې كوي
مضمون کا ماخذ : گونزو کی تلاش
متعلقہ مضامین
