اسلام آباد ۔ 15 مارچ (اے پی پی) بے نظیر انکم سپورٹ پروگرام (بی آئی ایس پی)دی چیئرپرسن ماروی میمن آکھیا جو بی آئی ایس پی تریمتاں کوں با اختیاربنڑاونڑ اچ وڈا پلیٹ فارم ہے ،وزیراعظم نواز شریف غریب تے نادار تریمتاں دی مدد سانگے بے نظیر انکم سپورٹ پروگرام دا دائرہ کار ودھایا ہے ۔کامیاب تریمتاں دی ذمے واری ہے جو او معاشرے اچ سیاسی تے مالی طور تے کمزور تریمتاںکوں نال گھن تے چلن ۔انہاں خیالاں دا اظہار انہاں بدھ کوں ویمن کاکس دے اہتمام نال ترائے ڈینہاں دی عالمی کانفرنس توں خطاب کریندے ہوئیں کیتا ۔ایں موقع تے ایم این اے ڈاکٹر فوزیہ حمید ، میانمر، اردن تے بئے ملکاں دے وفداں سمیت پار??یم??ٹ دے رکن تے مقامی حکومتاں دے نمائندے وی موجود ہن ۔ ماروی میمن عالمی کانفرنس اچ موجودسارے بین الاقوامی اتے ملکی وفداں کوں خو?? آمدیدآکھیا۔ انہاں آکھیا جو کانفرنس اچ موجود مقامی حکومتاں دے نمائندیں دی موجودگی کوں سراہیا۔ماروی میمن آکھیا جو تریمتاں مختلف قسم دے مسلیں توں ڈو چار ہن جیں اچ تشدد ،تعصب تے سماجی مسلے شامل ہن ۔انہاں آکھیا جو پاکستان اچ تریمتاں کوں بااختیار بنڑاونڑ سانگے قنون سازی کیتی گی ہے ،تریمتاں کوں گھریلو تشدد توں تحفظ ملیا ہے ۔کانفرنس اچ میانمر تے اردن دے وفداں اپنڑے ملک دی نمائندگی کریندے ہوئیں تریمتاں دے کردار بارے ڈسایا ۔
بی آئی ایس پی تریمتاں کوں با اختیاربنڑاونڑ دا وڈا پلیٹ فارم ہے ، بی آئی ایس پی دی چیئرپرسن ماروی میمن دا تریمتاں دی عالمی کانفرنس توں خطاب
مضمون کا ماخذ : غالب افریقہ
متعلقہ مضامین
