اسلام آباد۔14اکتوبر(اے پی پی) د سېنېټ چيئرمېن محمد صادق سنجراني وئيلي دي چې پاكستان كوريا سره تجارت لا پراخه كول غواړي ٬ كوريا بايد سي پېك منصوبو او سيمه ايزو رابطو زياتولو له په خصوصي اقتصادي زونز كښې هم سرمايه كارۍ څخه ګټه پورته كړي۔ دا خبره هغه د سوئيلي كوريا سفير سره خبرو كښې وكړه كوم چې هغه سره د زيارت په ورځ پارليمنټ هاؤس كښې ملاقات وكړو۔ ملاقات كښې د شريكې خوښې چارو په شمول په دوه اړخيزه اړيكو او سيمه ايز صورتحال د خيالاتو څرګندونه وشوه۔ د سېنېټ چيئرمېن ووئيل پاكستانې اولس كوريا سره اړيكو ته د عزت په نظر ګوري ، د سوئيلي كوريا د امن ٬ جمهوريت او خوشحالۍ په لاره سفر د ستائنې وړ دے۔ هغه ووئيل پاكستان سوئيلي كوريا سره خپلې ګڼ اړخيزه اړيكې ډېرې مهمې ګڼي په كومو كښې چې د دوه اړخيزه مرستې سياسي ٬ اقتصادي ٬ سائنسي ٬ دفاعي او كلتوري څانګې شامل دي۔ هغه ووئيل په افغانستان كښې بدلېدونكې وضعه نظر كښې نيولو سره پاكستان 16000 نه زيات غېر ملكي وګړي حفاظت سره خپلو هېوادونو ته رسولو كښې مرسته وكړه۔ د سوئيلي كوريا په خواست پاكستان 392 کورین وګړي حفاظت سره كابل څخه بهر كړل۔ دواړو لارښودو په ملي او نړيواله كچه د شريكو ګټو حوالې سره د دوه اړخيزه مرستې او تفاهم زياتولو په حاجت زور راوړو۔ هغه وئيل د پاكستان او كوريا ترمينځه د 1.122 بلین امریکی ډالرو موجوده دوه اړخيزه تجارت د دواړو هېوادونو د صلاحيت نه ډېر كم دے۔ د سېنېټ چيئرمېن ووئيل دوه اړخيزه تجارت ته وده وركولو له به فعاله ګامونه پورته كول وي۔ هغه وئيل د تجارت ودې له فری ټرېډ اېګرېمنټ به د دواړو هېوادونو په ګټه وي۔ هغه ووئيل په 220 ملین آبادۍ مشتمل هېواد پاكستان افغانستان او د منځنۍ آسيا هېوادونو سره تړون لري چې له كبله ئې پاكستان ګردې نړۍ لپاره د سرمايه كارۍ لحاظ سره يو مهم هېواد دے۔ صادق سنجراني د اېګزېم بېنك لخوا په اسلام آباد كښې د 88.80 ملین ډالرو په لګښت د انفارمېشن ټېکنالوجی پارک جوړولو كښې د سوئيلي كوريا د مرستې ستائنه وكړه۔ ملاقات كښې د سوئيلي كوريا لخوا پاكستان كښې د سام سنګ موبائل مېنوفېكچرنګ يونټ جوړولو په اړه هم خبرې وشوې۔ ملاقات كښې د دواړو هېوادونو پارليمانونو يو بل ته نزدلې كولو او پارليماني مرسته لا زياتولو له د پارليماني فرېنډشپ پلاويو تبادلو په حاجت زور راوړلے شو۔ د سېنېټ چيئرمېن ووئيل پاكستان د دواړو هېوادونو ترمينځه په كلتوري كچه هم د پلاويو د تبادلو هركلې كوي۔ هغه ووئيل پاكستان كښې د ګندھارا تهذيب تحفظ او بحالۍ لپاره د كوريا هڅې د ستائنې وړ دي۔ ملاقات كښې دواړو لارښودو د دوه اړخيزه اړيكو په لا مستحكمولو هم اتفاق وكړو
پاکستان کوریا سره تجارت لا پراخه كول غواړي٬ د سېنېټ چيئرمېن محمد صادق سنجراني
مضمون کا ماخذ : تھنڈرسٹرک II
متعلقہ مضامین
