پېنډۍ ۔8مارچ(اے پی پی)د تھانه سول لائن سيمه كښې د نامعلومه وسله والو په ډزو د شهيد شوي اېس اېچ او او د تھانه رېس كورس انسپكټر مياں عباس د جنازې مونځ د ګل په ورځ مازيګر پوليس لائن پېنډۍ كښې ادا كړے شو۔ په دې موقع د پوليس چټك ډلو شهيد انسپكټر ته سلامي وكړه۔ د جنازې مونځ كښې داخله وزير شېخ رشید احمد، ډسټرکټ اېنډ سېشن جج (پنډی)،سټېشن کمانډر برګیډئیر اعجاز قمر کیانی، آر پی او پنډې، سی پی او پنډې، د حساس ادارو چارواكو او د نورو پوليس چارواكو او اهلكارو په شمول د زرګونو په شمېر عامو وګړو ګډون وكړو۔ د جنازې نه وروستو انسپکټر عمران عباس رېس کورس سره پېوست آرمی قبرستان كښې د سركاري درناوي سره خاورو ته وسپارلے شو۔ دا خبره دې ښكاره وي انسپکټر محمد عمران عباس تېره ورځ د شر خوښو په ډزو شهيد شوے ؤ ۔ په تھانه سول لائن پوليس كښې په مياں عمران عباس د شوې بريد مقدمه درج كړې شوې ۔ دا مقدمه د تھانه کېنټ سب انسپکټر اعزاز عظیم په مدعیت كښې درج كړې شوې ۔ د اېف آئي آر له مخې میاں عمران عباس خپلې كورنۍ سره د صدر يو هوټل نه كور ته روان ؤ ۔ جم خانه پېنډۍ ته نزدې د وروستو نه په موټر سائيكل ناستو كسانو د هغه په ګاډي ډزې وكړېِِ۔ د بريد كوؤنكو د نيولو هڅه وكړې شوه ولې د ګڼې له امله هغوي د پېښې ځاے نه وتلو كښی كامياب شول ۔ اېف آئی آر كښې وئيلي شوي مياں عمران عباس د سنګينو مقدمو پلټنې كولې چې له امله ئې نامعلومه ترهګرو د ورځې په رڼا كښې په نخښه كړو۔ اېس پی پوټھوهار سید علې ووئيل د پېښې مقدمه درج كړې شوې او پلټنې روانې دي ۔
شهيد انسپکټر میاں عمران عباس خاورو ته وسپارلے شو۔ د جنازې مونځ كښې د داخله وزير او نورو مهم شخصياتو ګډون
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
