اسلام آباد۔20مئی (اے پی پی):پاکستان ات?? چین دے درمیان منفرد وغیر معمولی آہنی دوستی تے محیط ہمہ جہت تعلقات دی اہمیت کو?? نشابر کریندے ہوئیں پاک ـ چین سفارتی تعلقات دے قیام دی 70 ویں سالگرہ اڄ جمعے کوں شایان شان طریقے نال منائی ویسی ۔ ݙوہیں ملکاں ولوں سیاسی، عوامی ات?? سفارتی سطح تے مختلف سرگرمیاں سودھے تقریباں دا سلسلہ پورا سال جاری رہسی ۔تاریخ دا اہم سنگ میل عبور کرݨ دے ایں موقع تے کوں بھرپور انداز اچ منایا ویسی ۔ایں موقع تے وزیر اعظم عمران خان خمیس کوں چینی ہم منصب لی کی چیانگ نال ٹیلیفون تے ڳالھ مھاڑ کیتی تے ات?? انہاں کوں پاک۔چین سفارتی تعلقات دے قیام دی 70 ویں سالگرہ تے مبارخ ݙتی اے ۔وزیراعظم آکھیے جو سال 2021 ء ھک خاص موقع اے کیوں جو اے پاکستان ات?? چین وچال سفارتی تعلقات دے قیام دی70 ویں سالگرہ دا سال اے جیں کوں ݙوہیں فریق چنڳے انداز اچ منیسن ۔پاک چین سفارتی تعلقات دی 70 ویں سالگرہ دے سلسلے اچ تقریبات دا باقاعدہ آغاز پاکستان ات?? چین اڄوکے سال یکم مارچ کوں کیتا ہئی جݙاں جو ݙوہیں ملکاں دے وزرا خارجہ ھکے ویلھے بیجنگ ات?? اسلام آباد اچ منعقدہ ورچوئل تقریب اچ اعلی ٰ حکام دے رلے شرکت کیتی ہئی ۔ ایں موقع تے پاک۔چین دوستی دے تاریخی پس منظراچ ھک ”لوگو” (علامتی نشان) وی جاری کیتا ڳیا ہئی ۔ یاد رہے جو 21مئی 1951کوں پاکستان ات?? عوامی جمہوریہ چین وچال باضابطہ سفارتی تعلقات قائم تھئے ہن ات?? گزریل 70 سال دے دوران مختلف سماجی نظام،تاریخ ات?? ثقافت دے باوجود پاک چین تعلقات دنیا ات?? بالخصوص خطے اچ مثالی حیثیت اختیار کیتی تے اے تعلقات ویلھے دے نال نال مستحکم توں مستحکم تھیندے ویندن ۔ سفارتی تعلقات دے قیام دی 70 ویں سالگرہ دی مناسبت نال جمعہ کوں ݙوہیں ملکاں اچ مختلف سطح تے شایان شان تقریبات منعقد تھیسن جݙاں جو اسلام آباد اچ چینی سفارتخانہ خصوصی استقبالیہ تقریب م??عقد کریندا پئے ۔ وفاقی کابینہ پاکستان ات?? چین دے سفارتی تعلقات دی 70 ویں سالگرہ دے موقع تے 70 روپے دے یادگاری سکے دے اجرا دی وی منظوری ݙتی اے ۔ ݙوہیں ملکاں وچال ایں لازوال دوستی دی یادگار دے طور تے پیپلز بینک آف چائنہ وی ݙو سکے جاری کیتن ھک سکہ سونے ات?? ھک چاندی دا اے۔ اتھاں اے ڳالھ قابل ذکر اے جو آزمودہ ات?? سدا بہار نیڑے رابطے تے مبنی تزویراتی شراکت داری ست دہائیاں دے دوران ہر طرح دے اوکھے سوکھے تے عالمی نظام اچ آوݨ آلیاں تبدیلیاں دے باوجود پکے توں پکے تھئن ۔گزریل ست ݙھاکیں توں پاکستان تے چین ہر اوکھیے تے خوشگوار لمحات اچ ھک ݙوجھے دے رلے رہن ۔ سفارتی ذرائع دے مطابق پاکستان نہ صرف چین کوں تسلیم کرݨ آلے اولین ممالک اچوں ھک اے بلکہ پاکستان اقوام متحدہ اچ بیجنگ دی قانونی نشست دی بحالی کیتے چین دیاں کوششاں دی بھرپورحمایت کیتی ایندے علاوہ پاکستان چین دی اصلاحات اچ قابل قدر معاونت وی کیتی۔ پاک چین نیڑے تعلقات دا اندازہ ایں ڳالھ توں لاتا ونڄ سڳدے جو سفارتی تعلقات قائم تھیوݨ توں بعد ݙوہیں ملکاں وچال ا??لی سطح تے رابطے دا سلسلہ تکھا تھی ڳیا ۔ سرکاری ذرائع توں دستیاب معلومات دے مطابق 1964اچ پی آئی اے بیجنگ کیتے اپݨی پروازاں شروع کیتیاں ،اینیوں پی آئی اے، پہلی نان کمیونسٹ ایئر لائن ہئی جیں بیجنگ کیتے پروازاں دا آغاز کیتا۔ ویلھے دے نال نال متنوع شعبہ جات اچ سانجھے تعاون کوں شاندار انداز اچ ودھارا ݙتا ویندا رہیا ۔پاکستان ات?? چین دے درمیان 2013ء اچ لمبی مدت دے منصوبے دے تحت چین۔ پاکستان اقتصادی راہداری متعلق تعاون دے معاہدے تے دستخط تاریخی اہمیت رکھدن تے سی پیک ھک گیم چینجر منصوبہ اے جیڑھا جو نہ صرف پاکستان ات?? چین کیتے اہم اے بلکہ اے خطے دی وی تقدیر بدل ݙیسی ۔
پاک چین سفارتی تعلقات دے قیام دی 70 ویں سالگرہ اڄ شایان شان طریقے نال منائی ویسی، سالگرہ تقریبات پورا سال جاری رہسن
مضمون کا ماخذ : کنگ کانگ روش
متعلقہ مضامین
