اسلام آباد 29 دسمبر (اے پی پی) خارجه وزير مخدوم شاه محمود قریشی وئيلي دي د پې ډي اېم په احتجاج،لانګ مارچ او جلسو حكومت نه ختميږي۔ د اسرائیل تسليمولو په اړه كوم فشار نه لرو۔د سعودی عرب يو غټ پلاوې پاكستان ته راځي۔ د نهې په ورځ خپل يو بيان كې ده ووئيل د پې ډي اېم په احتجاج،لانګ مارچ او جلسو حکومت نه ختيږي, د هغوي تر 31 جنوری ډیډ لائن به هم دغسې ختم شي لكه څنګه چې د 31 دسمبر ختم شو۔په 31 دسمبر د هغوي استعفاګانې راتللې ؟ ۔ ده ووئيل وزیراعظم عمران خان ته د اولس باور ترلاسه دے هغه به ولي د پی ډی اېم په وينا استعفی وركوي؟زه پی ډی اېم ته نن وايم چې وزیراعظم عمران خان به په 31 جنوری استعفی نه وركوي نو هغوي ولې د 31 جنوری انتظار كوي ٬ چې كومه پريكړه كوي نن دې وكړي۔ خارجه وزير ووئيل پی ډی اېم، کراچی كښې اسرائیل نامنظور ریلی كوي-د سوچ خبره ده د دې خبرې حاجت ولي رامخې ته شوے۔اصل كښې اپوزیشن اولس ته ګوري۔د اسرائیل په اړه زمونږ موقف واضح دے او په هغې ولاړ يوو ۔ده ووئېل اپوزیشن په حکومت فشار اچولو له چې كومه بيانيه جوړه كړې وه هغه ختمه شوې ۔خارجه وزير ووئيل د وزیراعظم عمران خان بیان، زما بیان او د خارجه وزارت اسټیټمنټس په ریکارډ پراته دي، په دې مهال د مولانا اجمل قادری رامخې ته شوي بيان وضاحت غواړي ٬ ن لیګ قیادت له به ووئيل وي چې مولانا اجمل قادري په كومه ایجنډا اسرائیل ته تللے ؤ؟ ۔ده ووئېل د اسرائیل تسليمولو په اړه هيڅ فشار په مونږ نشته۔خارجه وزير ووئيل پاکستان او سعودی عرب خپلو كښې تاریخی او د ورورورولۍ اړيكې لري۔ سعودی عرب نیامے ډیکلریشن كښې په ښكاره ډول د پاکستان ملګرتيا كړي۔ ده ووئيل د سعودي عرب يو پلاوې به ډير زر پاكستان ته راشي چې پكښې به د هغوي د خارجه وزير پشمول مهم شخصیات شامل وي دا ټول د دې خبرې غمازی کوي چې زمونږ د سعودی عرب سره دوه اړخيزه اړيكې لا قوي كېږي۔ ده ووئيل هند د ترهه ګرۍ تربیې او کالعدم تنظیمونو معاونت کوي ،هند د پاکستان په ضد خپله خاوره كاروي۔خارجه وزیر ووئيل “ای – یو، ډس انفولیب” د هند ناوړه عزائم نور هم په ډاګه كړي۔
د پې ډي اېم په احتجاج،لانګ مارچ او جلسو حکومت نشي ختميدے، شاه محمود قریشی
مضمون کا ماخذ : امکان ہے کہ میگا سینا
متعلقہ مضامین
