کوئټه 08 جولائي (اے پي پي) وزيراعظم محمد شهباز شريف د بلوچستان ټول زرعي ټيوب ويلز د نمر په توان منتقل كولو لپاره د تاريخي ګام پورته كولو سره وئيلي دي وفاقي حکومت به د بلوچستان سره په ګډه د بلوچستان نزدې 28 زره په بجلۍ چلېدونكي ټيوب ويلز په سولر انرژي منتقل كوي،د 55 اربه روپو په دې منصوبه كښې به 70 فيصده وفاقي او 30 فيصده د بلوچستان حکومت ادا كوي۔ وفاقي حکومت او د بلوچستان حکومت ترمېنځه د زرعي ټيوب ويلز د سولرائزيشن لوظنامه د ګل په ورځ په كوئټه كښې وشوه چې پكښې وزيراعظم شهباز شريف ګډون وكړو ۔ په دې موقع وزيراعظم د ګل په ورځ د بلوچستان د کابينې غړو سره ملاقات وكړو چې پكښې وفاقي وزيرانو ، ګورنر او د بلوچستان وزيراعلي سره سره اړوندو چارواكو ګډون وكړو ۔ وزيراعظم په دې موقع ووئيل وفاقي حکومت به بلوچستان سره په ګډه په صوبه كښې په بجلۍ چلېدونكي نزدې 28 زره ټيوب ويلز په سولر منتقل كوي او وزيراعظم د بلوچستان وزيراعلي ته د زرعي ټيوب ويلز د سولرائيزيشن منصوبه په دريو مياشتو كښې د بشپړولو هدف وركړو۔ وزيراعظم ووئيل زرعي ټيوب ويلز په سولر منتقل كولو سره به كروندګر خوشحاله شي او د كر زمكه به زياته شي٬ زرعي ټيوب ويلز په سولر منتقل كېدو سره به كروندګرو ته ټوله ورځ د كوم تعطل نه غېر د اوبه وركړه باوري شي٬ وفاقي حکومت هر كال د بجلۍ د بلونو نه ادائيګۍ له امله د سبسډي په مد كښې د 70 څخه تر 80 اربه روپۍ وركوي خو بيا هم كروندګرو ته يواځې 2 د نه تر 6 ساعته بجلي ترلاسه كېدله۔ وزيراعظم ووئيل د زرعي ټيوب ويلز د سولرآئيزيشن څخه دا پخوانۍ مودې مسئله به تل لپاره ختموٶ٬ ګرده نړۍ كښې د نمر توان څخه په كم لګښت ماحول دوسته بجلي جوړېږي٬ ګرد هېواد كښې د نمر توان څخه د بجلۍ وركړې لپاره په ترجيحي بنيادونو اقدامات كوٶ٬ ده ووئېل وفاق به د بلوچستان پرمختګ او خوشحالۍ لپاره صوبائي حکومت سره په ګډه كار كوي۔ وزيراعظم ووئيل چين ته په زرعي څانګه كښې وظيفائي تربيې له په لېږونكو زده كوٶنكو كښې د بلوچستان لس فيصده څخه زياته كوټه ساتلې شوې٬ په چين كښې د هواوے کمپنۍ له مخې درې لكه پاكستانو ځوانانو ته د انفارميشن ټيکنالوجۍ په څانګه كښې په تربيه كښې هم د بلوچستان زده كوٶنكو لپاره لس فيصده اضافي كوټه ساتلې شوې٬ د بلوچستان ځوانان چې زيات تعليم ترلاسه كړي نو دوي به د صوبې او هېواد په پرمختګ كښې خپل مهم كردار ولوبوي٬ ده ووئېل د بلوچستان مسئلې به په ګډه حل كوٶ٬ صوبائي حكومت ته د ټولو مسئلو د حل كولو باور وركوٶ٬ د بلوچستان د محروميو لرې كولو او پرمختګ كښې خپل كردار لوبول زمونږ د ټولو ذمه واري ده٬ ده ووئېل وفاقي حکومت په بلوچستان كښې دانش سکولونه جوړولو لپاره په اوسني بجټ كښې فنډز بېل كړو۔ وزيراعظم ووئيل مونږ هڅه كوو چې دانش سکولونو ته په صوبه كښې د ډويژن په كچه پراختيا وركړې شي دغسې چې دې څخه د ټولې صوبې زده كوٶنكي مستفيد شي٬ وزيراظم ووئېل هيله لرو چې د بلوچستان ګورنر شېخ جعفر خان مندوخيل او وزيراعليٰ مير سرفراز بګټي په مشرۍ كښې به صوبائي كابينه د صوبې پرمختګ او سوكالۍ كښې ښه كردار ولوبوي۔ د بلوچستان کابينې په دې موقع وزيراعظم محمد شهباز شريف په صوبه كښې د پیښو مسئلو نه هم خبرو كړو او ده باور وركړٶ چې وفاقي حكومت به د بلوچستان پرمختګ او سوكالۍ او د ځائي مسئلو حل لپاره هر ډول ممكن اقدامات وكړي
وزيراعظم د بلوچستان زرعي ټيوب ويلز د نمر په توان منتقل كولو لپاره تاريخي ګام ٬ وفاقي حكومت به د 55 اربه روپو منصوبې له مخې د بلوچستان حکومت سره په ګډه 28 زره ټيوب وېلز په سولر منتقل كوي۔ وزيراعظم شهباز شريف
مضمون کا ماخذ : ماہی گیری کا جنون
متعلقہ مضامین
.jpg)
.jpg)
