اسلام آباد 26 اکتوبر (اے پي پي) د سېنېټ چيئرمېن محمد صادق سنجراني وئيلي دي 76 كاله وړاندې په 27 اکتوبر كال 1947 كښې هند په مقبوضه جمو و کشمير كښې د بشري حقونو د پښو لاندې كولو سره غېر قانوني او ناجائزه قبضه كړې وه ٬ هند د كشميريانو د خپلواكۍ د حق جذبه نشي غلې كولې۔ د كشمير تورې ورځ په موقع خپل پېغام كښې ده ووئيل د هند وزيراعظم په 5م اګست كال 2019 كښې د مقبوضه كشمير خاص حېثيت ختمولو سره د بشري حقونو د خلاف ورزۍ بدترين مثال قائم كړے او د لكهونو په شمېر كشميريان د بنيادي حق نه محروم او نظر بند كړے شوي، هند په مقبوضه کشمير كښې د هندو نوآبادكارۍ سازش ته وده وركوي دغسې چې په مقبوضه کشمير كښې مسلم اکثريت په اقليت بدل كړے شي۔ صادق سنجراني ووئيل په كشمير كښې د هند بربريت٬ ظلم او جبر او د بشري حقونو بدترينه خلاف ورزو سره نه يواځې د هند ناوړه څېره په ډاګه شوې بلكې په دې غېر قانوني اقدام ګرده نړۍ كښې غږ پورته كېږي۔ محمد صادق سنجراني ووئيل هند په مقبوضه جمو و کشمير كښې د بشري حقونو د خلاف ورزۍ بدترين مثال جوړولو سره د لكهونو په شمېر كشميريان د بنيادي حق نه محروم كړي او نظر بند ئې ساتلي، ده ووئېل د ملګرو ملتونو د بشري حقونو ادارې٬ جمهوريت پسند هېوادونه او تنظيمونه د مقبوضه کشمير مسئله د ملګرو ملتونو د قراردادونو او د كشميري اولس د هيلو له مخې حل لپاره دې شريكه لائحه اختيار كړي٬ د کشمير او فلسطين مسئلو سپېځلے حل د اقوام عالم د امن ضمانت دے، ده ووئېل ملګرو ملتونو د كشميريانو آزادۍ لپاره يو شمېر قراردادونه منظور كړي او په د جنورۍ په 5مه نيټه كال 1949 كښې ملګرو ملتونو كشميريانو ته د خپلواكۍ حق وركولو ضمانت وركړے ٶ۔ ده ووئيل پاكستان د كشميريانو د خپلواكۍ حق د موقف بشپړ ملاتړ كوي۔ د پاکستان حکومت او پارلمان به په هر فورم د كشميريانو ملاتړ دوامدار ساتي
په 27م اکتوبر كال 1947 هند مقبوضه جمو و کشمير كښې د بشري حقونو د پښو لاندې كولو سره غېر قانوني او ناجائزه قبضه كړې ٬ هند د كشميريانو د خپلواكۍ د حق جذبه نشي غلې كولې۔ د سېنېټ چيئرمېن محمد صادق سنجراني د تورې ورځ په موقع پېغام
مضمون کا ماخذ : مایا کا عروج
متعلقہ مضامین
.jpg)