اسلام آباد۔7اګست(اے پی پی) وزیراعظم شهباز شریف وئيلي دي چې سپېشل انوسټمنټ فېسلي ټېشن كونسل او سي پېك منصوبې به په ګډه هېواد د پرمختګ په لاره روان كړي٬ د چينائي كمپنيو په پاكستان كښې كار كولو سره به د روزګار نوې موقعې رامخې ته شي٬ چينائي كمپنيو په سي پېك كښې 30اربه څخه د زياتو ډالرو سرمايه كاري كړې ده۔ د دې خيالاتو څرګندونه ده د ګل په ورځ په سي پېك او پرمختائي كارونو كښې خذمات ترسره كوؤنكو چینائي كمپنيو او بېنكونو ته د ايوارډ وركولو دستورې ته خطاب كښې وكړه۔ وزيراعظم ووئيل مونږ د بېلټ اېنډ روډ انېشی اېټو لاندې د سي پېك منصوبو د 10 كاله بشپړ كېدو دستورې لمانځلې دي۔ دا منصوبه د چينائي صدر شي جن پنګ د پوهې او وژن عكاسي كوي۔ ده ووئيل اوس د سي پېك دويم پړاؤ پېل شوے دے په كوم كښې چې د ګريم كورېډور ٬ انووېشن ٬ آئي ټي كورېډور او د خصوصي اقتصادي زونز په څير سترې منصوبې شامل دي۔ ده ووئيل سپېشل انوېسټمنټ فېسلی ټېشن کونسل (اېس آئی اېف سی) د حكومت مهم اقدام دے۔ دا يو ګڼ اړخيزه فورم دے په كوم كښې چې د وفاق ٬ صوبو او د پاك پوځ نمائندګي شامل ده۔ ده ووئيل اېس آئي اېف سي د هېواد پرمختګ ٬ سرمايه كارۍ واو د كركيلې څانګې ودې له يو مهم روډ مېپ دے۔ ده ووئيل چینائي ناظم الامور نه يوازې په سي پېك منصوبو بلكې د دوه اړخيزه اړيكو پياوړتيا او وده كښې مهم كردار ترسره كړې دې۔ ده ووئيل څه وخت چې پاكستان آئي اېم سره پروګرام كښې ستونزو سره مخ وو صدر شي جن پنګ ٬ چينائي حكومت او د چين ناظم الامور په ذاتي توګه زمونږ مرسته وكړه۔ ده ووئيل چينائي كمپيونو پاكستان كښې په زړه پورې كار كړے دے دوئي ته باور وركوم چې سخت وخت ختم شوے دے۔ دوه اړخيزه اړيكې په نوي دور كښې داخلې شوې دي۔ دې څخه وړاندې دستورې ته د سرمايه كارۍ وفاقي وزير چوهدری سالک حسین خپل خطاب كښې ووئيل د چين كمپنيو او بېنكونو د دواړو هېوادونو د ګډې خوب ريښتيا كړې دې۔ سی پېک د انفراسټرکچر په نوي دور كښې داخل شوے دے۔ په پاكستان كښې د چين ناظم الامور پېنګ چنكسو دستورې ته خطاب كښې ووئيل پاکستان او چین د سي پېك د لس كلونو بشپړ كېدو دستورې لمانځي۔ د سی پېک منصوبو رفتار ګړندي كولو له د وزيراعظم شهباز شريف د هڅو ستائنه كوؤ۔ ده ووئيل صدر شي جن پنګ د سي پېك په 10 مه سالګره د مباركۍ پېغام رالېږلے دے۔ په دې موقعه وزيراعظم شهباز شريف سی پېک او پرمختيائي كارونو كښې د خذماتو ترسره كوؤنكو كمپنيو او بېنكونو نمائندګانو ته ايوارډز وركړل۔ دستوره كښې د توان وفاقي وزير انجینئر خرم دستګیر، وفاقی وزیر چوهدری سالک حسین او نور اعلی چارواكي هم موجود وو۔
سپېشل انوسټمنټ فېسلي ټېشن كونسل او سي پېك منصوبې به په ګډه هېواد د پرمختګ په لاره روان كړي۔ وزيراعظم شهباز شريف
مضمون کا ماخذ : ٹربو چارج
متعلقہ مضامین
.jpg)
