اسلام آباد 22 اګست (اے پي پي) وزيراعظم عمران خان هند ته يو شمېر ځله د خبرو اترو كولو وړاندېز باوجود د زړه پورې ځواب په نه ترلاسه كېدو د افسوس څرګندونه كولو سره وئيلي دي اوس زه هم د هند خپل همڅنګ مودي سره خبرو كښې خوښې نه لرم ٬ څوك چې د كشمير د مسلمانانو د اكثريتي آبادۍ هيت د بدلولو عزائم لري٬ د دوه ګاٶنډي او اتومي هېوادونو ترمېنځه عسكري تاٶ تريخوالي كښې د زياتوالي اندېښنه ده ٬ د ملګرو ملتونو امن ډلو او مبصرينو ته دې هند مقبوضه كشمير ته د دورې كولو اجازه وركړي۔ د دې خيالاتو څرګندونه ده د امريكې نوموړې ورځپاڼې نيويارك ټائمز سره خپله مركه كښې كړې۔ وزيراعظم ووئيل په مقبوضه كشمير كښې د 5م اګست هندي كرېك ډاٶن نه وړاندې او وروستو مونږ د خبرو اترو يو شمېر وړاندېزونه كړي خو مثبت ځواب ئې ترلاسه نشو ٬ اوس هند سره خبرې اترې عبس دي٬ ده ووئېل زما مطلب دا دے چې ما په دې لړ كښې زياتې خبرې او هڅې كړې ٬ كله چې زه سوچ كوم نو مونږ امن او خبرو اترو لپاره ټولې ممكنه هڅې كړې خو د بده مرغه هندي واكمند زمونږ دې هلو ځلو څخه يوازې تسكين اخلي٬ ده ووئېل اوس مونږ د دې نه زيات هېڅ نه شو كولې۔ وزيراعظم د مقبوضه کشمير په صورتحال په مودي سرکار تنقيد كولو سره ووئيل هند په مقبوضه جمو و كشمير كښې د ممكنه بدامنۍ لاره نيولو لپاره په لويه كچه عسكر تعينات كړي او په ټوله سيمه كښې ئې مواصلاتي نظام بند كړې ۔ ده ووئيل د فاشسټ او هندوبرلاسي ذهنيت لرونكې مودي د كشمير د مسلمانانو اكثريتي آبادي په په هندو اكثريت بدلول غواړي۔ ده ووئيل د ټولو نه مهمه خبره دا ده چې د 80 لكه انسانانو ژوند خطر كسره مخ دے ٬ مونږ ټول فكر مند يو چې د دوي قتل عام او نسلي كشي كېدونكې ده۔ وزيراعظم دا مركه په يو داسې وخت كښې كړې چې كله يو ورځ وړاندې ده امريكائي اولس مشر ټرمپ سره په ټېلي فوني تماس كښې ھغه د پاكستان او هند ترمېنڼه د كشمير په مسئله د زيات كړكېچن صورتحال نه خبر كړې٬ دلته دا خبره هم د ذكر وړ ده وزيراعظم تېره مياشت د واشنګټن دوره كړې او ټرمپ سره ئې ملاقات كړې ٶ چا چې كشمير كښې د كشمير په شخړه د ثالثۍ وړاندېز كړې ٶ٬ او د كومې چې وزيراعظم عمران خان هركلے كړے ؤ خو هند دا وړاندېز قبول نه كړو۔ امريكائي اولس مشر تېره ورځ هم يوه مركه كښې د دې وړاندېز پخلي كولو سره ووئيل زه به د ثالثۍ يا يو بل كردار ترسره كولو لپاره خپلې بهترينې هڅې پكار راولم۔ وزيراعظم خپله مركه كښې په دې خبره د تشويش څرګندونه كړې چه هند كشمير كښې جعلي آپرېشن كولې شي دغسې چې د پاكستان په ضد پوځي كاروائۍ له جواز پېدا كړي٬ په دې به پاكستان ځواب وركولو لپاره مجبور وي۔ ده ووئيل كله چې دوه اتومي هېوادونه يو بل ته مخامخ كېږي نو څه هم كېدې شي٬ مونږ لپاره د فكر خبره دا ده چې دې سره به د دوه اتومي هېوادونو ترمېنځه تاٶ تريخوالې زيات شي٬ ده ووئېل نړۍ ته بايد معلومه وي چې دا صورتحال به خطرناك وي۔ نيو يارك ټائمز وئيلي دي عمران خان د وزيراعظم چوكۍ سنبهالولو نه سمدستي وروستو د كشمير پشمول د دواړو هېوادونو ترمېنځه ټولې مسئلې حل كولو لپاره هند سره د مذاكراتو بحالۍ لپاره هڅې كړې ۔ وزيراعظم عمران خان خپله مركه كښې غوښتنه كړې چې د ملګرو ملتونو امن ډلو او مبصرينو له دې هندي مقبوضه كشمير ته د دورې كولو اجازه وركړې شي ځكه چې مودي سركار د كشميريانو مسلمانانو د قتل عام عزائم لري۔(ګ ل
د فاشسټ او هندو برلاسي ذهنيت لرونكې مودي د كشمير د مسلمانانو اكثريت په هندو اكثريت بدلول غواړي
مضمون کا ماخذ : لاٹری جیتنے کی گائیڈ
متعلقہ مضامین
