کوئټه 29 اګست (اے پي پي) په بلوچستان كښې امنيتي او د نورو چارو په اړه ټولو اولسي نمائندګانو د بې ګناه وګړو په نخښه كولو لپاره د بزدلانه ترهګرۍ بريدونو په سختو ټكو غندنه كولو سره د ترهګرۍ خاتمې لپاره د ټولو وسائلو كارولو عزم وكړو۔ د زيارت په ورځ د وزيراعظم آفس ميډيا ونګ لخوا د جاري بيان له مخې د وزيراعظم محمد شهباز شريف په مشرۍ كښې د بلوچستان سکيورټي او د نورو چارو پحقله د ټولو اولسي نمائندګانو د لوړې كچې غونډه وشوه ۔ په غونډه كښې نائب وزيراعظم اسحاق ډار، د پوځ سرلښكر جنرل سيد عاصم منير، د بلوچستان ګورنر جعفر خان مندوخيل، وزيراعليٰ سرفراز احمد بګټي، د دفاع وزير خواجه محمد آصف، داخله وفاقي وزير سيد محسن رضا نقوي، وفاقي وزير جام کمال خان، د منصوبه بندۍ وفاقي وزير احسن اقبال او د اطلاعات او خپرونو وفاقي وزير عطاء الله تارړ ګډون وكړو۔ د پاکستان مسلم ليګ(ن) لخوا سردار يعقوب خان ناصر او سردار عبد الرحمان کھېتران، د پاکستان پيپلز پارټي لخوا ظهور احمد بليدي او مينا بلوچ، د نيشنل پارټي له اړخه ډاکټر عبدالمالک بلوچ، رحمت صالح بلوچ او مير کبير محمد، د بلوچستان عوامي پارټي لخوا خالد حسين مګسي او صادق سنجراني، د عوامي نيشنل پارټي زمرك خان اچکزئي او اصغر خان ، د جمعيت علمائے اسلام لخوا مولانا عبد الواسع او يونس زهري او د هزاره ډيموکريټک پارټي عبد الخالق هزاره په غونډه كښې ګډون وكړو۔ د سياسي ګوندنو مشرانو غونډه كښې د اولسي مسئلو نه وزيراعظم خبر كړو۔ په غٶنډه كښې په بلوچستان كښې د امنيت صورتحال او د ترهګرۍ په ضد د روانو عملياتو جامع جاج واخستلے شو۔ د غونډې ګډون كوٶنكو د ترهګرۍ اوسنو پېښو ځپلو كورنيو سره د يووالي اوڅرګندونه وكړه او د لا بې ګناه ځانونو زيان مخنيوي له ئې په وخت ځواب وركولو له د امنيتي ځواكونو د مړانې ستائنه وكړه ۔ په غونډه كښې د بې ګناه وګرو په نخښه كولو لپاره د بزدلانه ترهګرۍ بريدونو په سختو ټكو غندنه كولو سره د ترهګرۍ خاتمې لپاره د ټولو وسائلو كارولو عزم وكړے شو۔
د وزيراعظم شهباز شريف په مشرۍ كښې د بلوچستان امنيت او د نورو چارو په اړه د ټولو اولسي نمائندګانو د لوړې كچې غونډه
مضمون کا ماخذ : لاٹری کی قانونی حیثیت
متعلقہ مضامین
