اسلام آباد ۔30مئی (اے پی پی)وزيراعظم محمد شهباز شريف به(نن)د نهې ورځې څخه تر 2 جون د تركيې سركاري دوره كوي٬دا به د وزيراعظم چوكۍ سنبالولو نه پس د هغه د تركيې وړومبۍ وي٬وزيراعظم شهباز شريف به د تركيې صدر رجب طيب اردوان سره ملاقات كوي٬دواړه لارښود به د پاكستان تركيې دوه اړخيزه اړيكو نه علاوه په سيمه ايز او نړيوالو چارو هم د خيالاتو څرګندونه كوي٬د تركيې صدر رجب طيب اردوان وړومبې نړيوال لارښود و چا چې د اپرېل په 11مه نېټه محمد شهباز شريف ته د د وزيراعظم د چوكۍ سنبالولو نه پس مباركي وركولو لپاره تماس نيولې٬دواړو لارښودو د وړوكي اختر په موقع هم ټېليفوني تماس نيولې وو۔ د ګل په ورځ د خارجه وزارت وياند لخوا جاري شوي بيان له مخې د تركيې د دورې په مهال به وزيراعظم سره وزيران٬خاص مرستيالان او د سينئر چارواكو پشمول د اعلٰی كچې پلاوې هم وي۔ د پاكستان يو تجارتي پلاوي كوم كښې به چې د بېلو څانګو د سر كمپنو استازي هم شامل دي، په تجارتي مصروفيات كښې ګډون لپاره جلا جلا تركيې ته ځي۔د دورې په مهال به وزيراعظم محمد شهباز شريف د تركيې صدر رجب طيب اردوان سره ملاقات كوي د دې نه پس به د پلاوو په كچه خبرې اترې كېږي۔د پاكستان تركيې دوه اړخيزه اړيكو ټولو اړخونو احاطه كولو نه علاوه مشران به په سيمه ايزو او نړيوالو چارو هم د خيالاتو څرګندونه كوي۔ دواړه لارښود به د خپلو ملاقاتونو نه پس مېډيا سره مشتركه خبرې اترې هم كوي۔ صدر رجب طيب اردوان به د وزيراعظم محمد شهباز شريف په درناوي كښې د ماسختن مېلمستيا هم وركوي۔ پاكستان او تركيه سږ كال د سفارتي اړيكو جوړولو 75مه سالګره هم لمانځي۔د دورې په مهال به وزيراعظم او د تركيه صدر د پاكستان او تركيې په شريكه توګه د يو لوګو مخ كتنه كوي چې ورسره به د دواړو هېوادونو د غېر معمولي دوه اړخيزه اړيكو د اوږد تاريخ سنګ ميل دستورې پیل شي۔ د دورې په مهال به خارجه ٬تجارت او روغتيا وزيران هم وزيراعظم سره ملاقات كوي۔ وزيراعظم به د تركيې نوموړو سوداګر او بېلو څانګو سره تعلق لرونكو سرمايه كارو سره خبرې اترې كوي۔ د دې كوربتوب به د تركيې يونين آف چيمبرز اينډ كموډټي ايكسچنجز صدر كوي۔ وزيراعظم به د تركيې فارن اكنامك رېليشن بورډ مرستې سره راجوړ كړې شوي پاكستان تركي بزنس كونسل فورم كښې هم ګډون كوي۔ د دې دستورو په مهال به وزيراعظم په پاكستان كښې د سرمايه كارۍ پراخا امكانات رامخې ته كوي او د تركيې كمپنو ته به په پاكستان كښې د سرمايه كارۍ كولو او د پاكستان تركيې تجارتي او اقتصادي اړيكو لا لوي كولو لپاره د كار كولو ترغيب هم وركوي۔ د پاكستان نوموړي كاروباري شخصيات به په دې دستورو كښې ګډون سره سره د تركيې سوداګرو استازو سره ملاقاتونه كوي۔ د پاكستان او تركيې ترمينځه اړيكې د منظم اداره جاتي مېكانزم په بنياد اډانه دي۔ د پاكستان او تركيې ترمينځه تاريخي او د اوږدې مودې اړيكې په شريكه عقيده٬شريك تاريخ او د بنيادي خوښې په چارو يو بل سره د مرستې په شاندار روايت مضبوطې تړلې شوې دي۔ د تركيې قيادت او حكومت ثابت قدمۍ سره د كشمير منصفانه كاز ملاتړ كړې٬تركيه په جمو او كشمير د اسلامي مرستې تنظيم(او آئي سي)رابطه دلې يو مهم او فعاله غړے دے۔ دواړه هېوادونه پرامن او مستحكم افغانستان٬فلسطين او د اسلاموفوبيا مقابلې كولو پشمول په ګڼ شمېر مسئلو يو ډول خيالات لري۔د تركيې ګڼ شمېر كمپنې په پاكستان كښې په بېلو څانګو كښې چې پكښې تعميرات٬برېښنا٬سالډ ويسټ٬منيجمنټ٬حفظان صحت مصنوعات٬اليګرانكس او ډيري شامل دي كښې د يو ارب ډالر څخه زياته سرمايه كاري كړې٬په دې نوموړو سرمايه كار كمپنو كښې البيراك٬اوزي پاك٬زورلو٬آرسيلك٬سياح كليم٬سوطاس٬ګوكاګولا آئسيك او حيات كمييه شامل دي۔ انقره كښې به د قيام په مهال د تركيې كمپنو مشران هم د وزيراعظم سره ملاقات كوي۔ د وزيراعظم د تركيه دوره د دواړو هېوادونو ترمينځه د اعلٰی كچ تبادلو برخې نه علاوه تجارت٬سرمايه كاري٬سيمه ايز روابط٬روغتيا٬تعليم٬د كلتور په څانګو او اولسي روابط كښې دوه اړخيزه مرستې ته د لا ودې وركولو په تناظر كښې مهمه ده۔د وزيراعظم محمد شهباز شريف د تركيې دورې سره به د دواړو هېوادونو ترمينځه د قيادت مكالمې او موجوده ګڼ اړخيزه سټريټجك اړيكې لا قوي كولو كښې مرسته ترلاسه شي
وزيراعظم محمد شهباز شريف به د (نن) څخه تر 2 جون د تركيه سركاري دوره كوي٬وزيراعظم به د تركيې صدر سره په ملاقات كښې د دوه اړخيزه اړيكو نه علاوه په سيمه ايز او نړيوالو چارو هم د خيالاتو څرګندونه كوي
مضمون کا ماخذ : پاور بال لاٹری
متعلقہ مضامین
