اسلام آباد ۔ 13 نومبر (اے پی پی) صدر مملکت ڈاکٹر عارف علوی آکھیے جو انسانیت کوں کئی چیلنجاں دا سامنڑاں اے ،کجھ قوماں اپنڑے مفادات دا سوچیندیاں پن ،اکثر کثیر القومی کمپنیاں ملکاں توں ودھ طاقتور تھی گن ،اقوام عالم اپنڑے مفادات دی بجائے انسانیت دے مفاد اچ فیصلے کرے۔اے گال انہاں بدھ کوں اتھاں خطے اچ ا??ن تے سلامتی دے حوالے نال سیمینار نال خطاب کریندے ہوئیں آکھی اے ۔ صدر مملکت آکھیا جو چنگے ہمسائے ہک نعمت ہوندن تے ا??ن تے سلامتی دا انحصار چنگے تعلقات تے ہوندے ۔بالاں دے ذہن اچ ا??ن تے محبت دا ودھارا بہوں ضروری اے ۔بال نفرت تے تعصب توں پاک ماحول اچ پرورش پیسن تاں انہاں اچ امن ،دوستی تے محبت دا جذبہ جاگسی۔ پاکتان افغانستان دے 35ل??ھ پناہ گزیناں دی میزبانی کیتی اے تے ایں طرح شام اچ وی 35ل??ھ توں ودھ پناہ گزین ہن ۔انہاں آکھیے جو اقوام عالمی کوں اپنڑے مفادات دی بجائے انسانیت دے اجتماعی مفاد دی بنیاد تے فیصلے کرنڑیں چاہیدن ۔ گلوبل وارمنگ جیہے مسلیں دا وی سامنڑاں اے ،ایں پاسے وی توجہ ڈیونڑ دی ضرورت اے ۔انہاں آکھیے جو لیگ آف نیشن دے بعد اساں ڈٹھے جو اقوام متحدہ دا قیام عمل اچ گھن آیا گیا ۔دنیا اچ کجھ قوماں اپنڑے مفادت کیتے جیرھا کجھ وی کریندیاں پن ایندے تے غور کرنڑ دی ضرورت اے ۔ پہلی اتے ڈوجھی جنگ عظیم اچ بہو?? تباہی تھئی تے ناگا ساکی اتے ہروشیما اچ ایٹم بم استعمال کیتا گیا۔ ترقی یافتہ اتے غریب ملکاں اچ زندگی دی انجھ انجھ قدر اے تے ضرورت ایں گال دی اے جو انسانیت کوں ترجیح ڈتی ونجے ۔
اقوام عالم اپنڑے مفادات دی بجائے انسانیت دے مفاد اچ فیصلے کرے ، صدر مملکت ڈاکٹر عارف علوی دا سیمینار نال خطاب
مضمون کا ماخذ : کمپیوٹر لاٹری کے نمبر
متعلقہ مضامین
